అయ్యో పాపం...!

పింఛన్లకు బ్యాంకుల వద్ద పండుటాకుల పడిగాపులు

నందలూరులో బ్యాంకు వద్ద మహిళల పడిగాపులు

మండుటెండలు, వడగాలుల మధ్య పింఛను సొమ్ము కోసం రెండో రోజైన శుక్రవారం ఉదయం నుంచే పండుటాకులు బ్యాంకుల బాట పట్టారు. తమ వంతు కోసం అక్కడే గంటలతరబడి పడిగాపులు కాశారు. నిప్పులు చెరుగుతున్న ఎండ, ఉక్కపోతతో నానా తంటాలు పడ్డారు. దప్పిక తీర్చుకునేందుకు తాగునీటి కోసం పడరాని పాట్లు పడ్డారు. గత నెలలో సచివాలయాల వద్ద జరిగిన పింఛన్ల పంపిణీలోనూ తీవ్ర ఇబ్బందులు పడ్డామని, ఈ నెల బ్యాంకుల వద్ద పడరాని పాట్లు పడుతున్నామని పండుటాకులు ఆవేదన వ్యక్తం చేశారు. సీఎం జగన్‌, వైకాపా ప్రభుత్వ అనాలోచిత, కుట్రపూరిత చర్యలతో తామంతా అవస్థలు పడుతున్నామని ఆక్రోశం వెళ్లగక్కారు.

న్యూస్‌టుడే, మదనపల్లె గ్రామీణ, నిమ్మనపల్లె, పీలేరు గ్రామీణ, సంబేపల్లె, నందలూరు

దేవపట్ల కెనరా బ్యాంకుకు ఆటోలో వస్తున్న పింఛనుదారులు

పీలేరులోని బ్యాంకు సేవా కేంద్రం వద్ద పడిగాపులు కాస్తున్న వృద్ధులు

నిమ్మనపల్లెలో ఎర్రటి ఎండలో నడిచి వస్తున్న గొనము వెంకటమ్మ