తెదేపాలో చేరిన 40 కుటుంబాలు

కలసపాడు: మండలంలోని పెండ్లిమర్రి, చెన్నారెడ్డిపల్లె గ్రామాల్లో ఆదివారం మాజీ ఎమ్మెల్యే విజయమ్మ సమక్షంలో 40 కుటుంబాలు వైకాపా నుంచి తెదేపాలో చేరాయి. వైకాపాకు చెందిన నాగిరెడ్డి వెంకటసుబ్బారెడ్డి, రామలక్ష్మి రెడ్డి, దప్పిలి రామలక్ష్మయ్య, ముత్తుముల కృష్ణారెడ్డి తదితరులు తెదేపాలో చేరిన వారిలో ఉన్నారు. వీరికి మాజీ ఎమ్మెల్యే విజయమ్మ, భాజపా ఎమ్మెల్యే అభ్యర్థి కుమారుడు బొజ్జా కార్తీక్, తెదేపా రాష్ట్ర వాణిజ్య విభాగం ఉపాధ్యక్షుడు రంతూ, మాజీ జడ్పీటీసీ రాంభూపాల్ రెడ్డి, పార్టీ మండల అధ్యక్షుడు వెంకట్రామిరెడ్డి పార్టీ కండువాలు కప్పి తెదేపాలోకి ఆహ్వానించారు. ఈ కార్యక్రమంలో ఎన్డీఏ కూటమి నాయకులు నాగేంద్రరావు, రామాంజనేయరెడ్డి, దుగ్గిరెడ్డి, తదితరులు పాల్గొన్నారు.