పోస్టల్‌ బ్యాలట్‌ పోలింగ్‌ 84.05 శాతం నమోదు

కడపలో ఓటరు స్లిప్పులు సరిచూసుకుంటున్న ఉద్యోగులు

జిల్లా సచివాలయం, న్యూస్‌టుడే: జిల్లా వ్యాప్తంగా పోస్టల్‌ బ్యాలట్‌ ఓటింగ్‌ ప్రక్రియ ఆదివారం నిర్వహించారు. మొత్తం 84.05 శాతం పోలింగ్‌ నమోదైంది. అందులో భాగంగా బద్వేలు అసెంబ్లీ నియోజకవర్గంలో 1904 మంది ఓటర్లు ఉండగా, 1,661 మంది ఓటుహక్కు (87.24 శాతం) వినియోగించుకున్నారు. కడపలో 3,204 మందికి 2,700 మంది (84.14 శాతం), పులివెందులలో 87.63, కమలాపురంలో 78.29, జమ్మలమడుగులో 90.65, ప్రొద్దుటూరులో 94.34,  మైదుకూరులో 96.80 శాతం పోలింగ్‌ నమోదైంది. దీంతో పాటు ఇతర జిల్లాల పోస్టల్‌ బ్యాలట్‌కు సంబంధించి 2,004 మంది దరఖాస్తు చేసుకోగా, 1,113 మంది (55.54 శాతం) సద్వినియోగం చేసుకున్నారు.