కొనసాగిన పోస్టల్‌ బ్యాలట్‌ పోలింగ్‌

అరవిందనగర్‌ (కడప): పోస్టల్‌ బ్యాలట్‌ పోలింగ్‌ మూడోరోజు మంగళవారం కొనసాగింది. కడప ఆర్డీవో కార్యాలయ ఆవరణలో ఏర్పాటు చేసిన కేంద్రానికి ఉద్యోగులు భారీ సంఖ్యలోనే తరలివచ్చారు.  దరఖాస్తు చేసుకున్నా ఓటు రాలేని వారికి మరో అవకాశం కల్పించారు.  ఆర్డీవో కార్యాలయం చుట్టూ పోలీసులు భారీ బందోబస్తు ఏర్పాటు చేశారు. ఉదయం పది గంటల నుంచి సాయంత్రం ఐదు గంటల వరకు పోలింగ్‌ సాగింది. డబ్బులు పంచుతున్నారనే ఆరోపణలు రావడంతో ఎన్నికల అధికారి మధుసూదన్‌, ఇతర అధికారులు ప్రాంగణం బయటకు వచ్చి పర్యవేక్షించారు. తెదేపా అభ్యర్థి మాధవి , వైకాపా అభ్యర్థి అంజాద్‌బాషా పోలింగ్‌ ప్రక్రియను పరిశీలించారు.