ఎన్నికల ఆహ్వాన పత్రిక

సామాజిక మాధ్యమాల్లో చక్కర్లు కొడుతున్న ఎన్నికల ఆహ్వాన పత్రిక

కలికిరి, న్యూస్‌టుడే: సార్వత్రిక ఎన్నికలు ఈ నెల 13న జరగనున్నాయి. ఆ రోజున జరిగే ఓటింగ్‌లో అందరూ పాల్గొనాలని తెలుపుతూ ఆంగ్లంలో ముద్రించిన ఆహ్వాన పత్రిక ఒకటి సామాజిక మాధ్యమాల్లో చక్కర్లు కొడుతోంది. మన ఇళ్లలో ఏదైనా శుభ కార్యక్రమం నిర్వహిస్తుంటే బంధువులు, స్నేహితులను పిలవడానికి ఆహ్వాన పత్రిక ఎలా ముద్రిస్తామో అచ్చం అలాగే ఇదీ ఉంది. ఆహ్వాన పత్రికలో మాత్రం ప్రజాస్వామ్య పండగగా రాయడంతో పాటు వేదిక పోలింగ్‌ స్టేషను, సమయం ఉదయం 7 నుంచి సాయంత్రం 5 గంటల వరకు, విందు అయిదేళ్లకొకసారి వచ్చే ప్రజాస్వామ్య పండగగా దీన్ని వర్ణించారు. దీనికి వచ్చే సమయంలో ఏదైనా గుర్తింపు కార్డు తీసుకు రావాలని సూచించారు. చివరగా ఇది ప్రజల సన్నద్ధత, అవగాహన నిమిత్తమని పేర్కొనడం గమనార్హం.