జగన్‌ డ్రామాలు ప్రజలు నమ్మరు

చక్రాయపేట, న్యూస్‌టుడే : సీఎం జగన్‌ డ్రామాలను ప్రజలు నమ్మే పరిస్థితిలో లేరని తెదేపా పులివెందుల ఎమ్మెల్యే అభ్యర్థి బీటెక్‌ రవి పేర్కొన్నారు. మండలంలోని నాగలగుట్టపల్లె, దేవరగుట్టపల్లె, కె.యర్రగుడి తదితర గ్రామాల్లో గురువారం ఆయన ఎన్నికల ప్రచారంలో పాల్గొన్నారు. ఈ సందర్భంగా మాట్లాడుతూ.. సొంత చెల్లెళ్లే జగన్‌ను నమ్మకపోతే ప్రజలు ఎలా నమ్మి ఓట్లు వేస్తారని ప్రశ్నించారు. ‘మా బాబాయిని చంపింది అవినాష్‌రెడ్డే అని చెల్లెలు చెబుతుంటే.. ఏ మొహం పెట్టుకుని తిరుగుతున్నారని’ విమర్శించారు. తెదేపా అధినేత చంద్రబాబుపై అసత్య ఆరోపణలు చేస్తే తరిమికొడతామన్నారు.