అబద్ధాలపై పోటీ.. వారికి మాత్రం నో ఛాన్స్!
అబద్దం ఆడరాదు.. చిన్నప్పుడే మనం నేర్చుకున్న జీవితపాఠమిది. కానీ ప్రతి మనిషి అవసరానికో.. ఆపదకో ఎప్పుడో ఒకప్పుడు అబద్దం చెబుతూనే ఉంటాడు. అయితే, అబద్దాలు ఆడటాన్ని ఎవరూ సహించరు.. ప్రోత్సహించరు. కానీ, ఇంగ్లండ్లో అబద్దాలపై ఏటా ఛాంపియన్షిప్
(ఫొటో: బ్రిడ్జ్ ఇన్ ఫేస్బుక్)
అబద్ధం ఆడరాదు.. చిన్నప్పుడే మనం నేర్చుకున్న జీవితపాఠమిది. కానీ ప్రతి మనిషీ అవసరానికో.. ఆపదకో ఎప్పుడో ఒకప్పుడు అబద్ధం చెబుతూనే ఉంటాడు. అయితే, అబద్ధాలు ఆడటాన్ని ఎవరూ సహించరు.. ప్రోత్సహించరు. కానీ, ఇంగ్లాండ్లో అబద్ధాలపై ఏటా పోటీ జరుగుతుంది. అందులో ఎవరు చక్కటి అబద్ధం చెప్పి మెప్పిస్తారో వారు విజేతగా నిలుస్తారు.
ఇంగ్లాండ్లో కంబ్రియా ప్రాంతంలో శాంటన్ బ్రిడ్జ్ గ్రామంలో ఏటా నవంబర్ నెలలో ‘వరల్డ్స్ బిగ్గెస్ట్ లయర్’ పేరుతో అబద్ధాల పోటీ నిర్వహిస్తున్నారు. అందరూ నిజమని నమ్మేవిధంగా ఎవరైతే అబద్ధం చెబుతారో వారే విజేతగా నిలుస్తారు. ఆ ఏడాది ‘వరల్డ్ బిగ్గెస్ట్ లయర్’ టైటిల్ గెలుచుకుంటారు. ప్రపంచంలో ఎవరైనా సరే ఈ పోటీలో పాల్గొనొచ్చు. అయితే న్యాయవాదులు, రాజకీయ నాయకులు మాత్రం ఈ పోటీలో పాల్గొనేందుకు అనర్హులు. ఎందుకంటే ఆ రెండు వృత్తుల్లో ఉన్నవారు సహజంగానే అబద్ధాలు ఆడుతారని నిర్వాహకుల అభిప్రాయం.
ఈ పోటీని 1808-1890 మధ్య జీవించిన విల్ రిట్సన్ అనే స్థానిక పబ్ యజమాని జ్ఞాపకార్థం నిర్వహిస్తున్నారట. రిట్సన్ అబద్ధాలు చెప్పి అందరినీ నమ్మించడంలో దిట్ట. ‘టర్నిప్స్ (ఒక రకం దుంపగడ్డలు) లేక్ డిస్ట్రిక్ట్ ప్రాంతంలో పెద్దవిగా పెరుగుతాయి. వాటిని ఆవుల కోసం షెడ్డులా చెక్కుతారు’ అని అతడు చెప్పిన అబద్ధం బాగా పాపులరైంది. అలా శాంటన్ బ్రిడ్జ్ ప్రజలు అతడి అబద్ధాల అలవాటును కొనసాగించేందుకు గ్రామంలోని బ్రిడ్జ్ ఇన్ రెస్టారెంట్లో ఏటా ఈ ‘వరల్డ్స్ బిగ్గెస్ట్ లయర్’ పోటీని నిర్వహిస్తున్నారు.
2003లో దక్షిణాఫ్రికాకు చెందిన అర్బీ క్రుగేర్ తొలి విదేశీ ‘వరల్డ్ బిగ్గెస్ట్ లయర్’గా నిలిచాడు. వస్డేల్ వ్యాలీకి తాను ఎలా చక్రవర్తి అయ్యాడో అసత్య వివరణ ఇచ్చి ఈ పోటీలో గెలిచాడు. గతేడాది (2019)లో వర్కింగ్టన్కు చెందిన ఫిలిప్ గేట్ అనే వ్యక్తి విజేతగా నిలిచాడు. ‘జామ్ ఈటర్స్’ అనే పదం ఎలా వచ్చిందో తెలుపుతూ ఒక అబద్ధపు సిద్ధాంతాన్ని ప్రచారంలోకి తెచ్చాడు. ప్రేక్షకులు అతడు చెప్పింది నమ్మేయడంతో ఛాంపియన్ అయ్యాడు. కరోనా కారణంగా ఈ ఏడాది పోటీని నిర్వహించబోమని నిర్వాహకులు ప్రకటించారు.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఈనాడు.నెట్లో టాప్ 10 వార్తలు @ 5PM
ఈనాడు.నెట్ లోని ముఖ్యమైన పది వార్తలు మీ కోసం... -
నన్ను హత్య చేసేందుకు కుట్ర: సీబీఐ మాజీ జేడీ లక్ష్మీనారాయణ
సీబీఐ మాజీ జేడీ వీవీ లక్ష్మీనారాయణ సంచలన ఆరోపణలు చేశారు. -
అవసరమైతే తప్ప బయటకు రావొద్దు: వాతావరణశాఖ
రాష్ట్రంలో 3 రోజుల పాటు కొన్ని జిల్లాల్లో అక్కడక్కడా వడగాల్పులు వీచే అవకాశం ఉందని వాతావరణశాఖ హెచ్చరించింది. -
ఈనాడు.నెట్లో టాప్ 10 వార్తలు @ 1 PM
ఈనాడు.నెట్ లోని ముఖ్యమైన పది వార్తలు మీ కోసం... -
శ్రీశైలంలో వైభవంగా భ్రమరాంబాదేవి కుంభోత్సవం
అష్టాదశ శక్తి పీఠక్షేత్రమైన శ్రీశైలం(Srisailam)లో కుంభోత్సవం వైభవంగా ప్రారంభమైంది. శ్రీ భ్రమరాంబాదేవి అమ్మవారి ఆలయాన్ని నిమ్మకాయలతో అలంకరించారు. -
ఈనాడు.నెట్లో టాప్ 10 వార్తలు @ 9 AM
ఈనాడు.నెట్ లోని ముఖ్యమైన పది వార్తలు మీ కోసం... -
జగన్ మామయ్యా.. పాఠశాలల గోడు వినవయ్యా
నాడు- నేడుతో సర్కారు బడుల రూపు రేఖలు మార్చేశామని చెబుతున్నా.. చాలా పాఠశాలల్లో అదనపు తరగతి గదులు లేక విద్యార్థులు ఇబ్బంది పడుతున్నారు. -
మూడో దశ.. మాటే లేదు
గుంటూరు నగరంలో ట్రాఫిక్ రద్దీ తగ్గించడంతో పాటు చుట్టూ ప్రధాన రహదారులను కలుపుతూ చేపట్టిన మహాత్మాగాంధీ ఇన్నర్ రింగ్ రోడ్డులో మూడో దశ నిర్మాణం అర్ధంతరంగా ఆగిపోయింది. -
అడిగే వారేరి... ఆపేవారేరి?
జిల్లా కేంద్రమైన అనకాపల్లిలో స్థలాలకు విపరీతమైన డిమాండ్ పెరిగింది. ముంపు ప్రాంతాల్లో అనుమతులు లేకుండా లే అవుట్లు వేస్తున్నారు. -
నేటి రాశి ఫలాలు.. 12 రాశుల ఫలితాలు ఇలా... (26/04/24)
ఈ రోజు ఏ రాశి వారికి ఎలాంటి ఫలితం ఉంటుంది. డాక్టర్ శంకరమంచి శివసాయి శ్రీనివాస్ అందించిన నేటి రాశి ఫలాల వివరాలు.
తాజా వార్తలు (Latest News)
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
-
భారతీయులైతేనే.. అమెరికాలో సీఈవో ఛాన్స్: రాయబారి ఆసక్తికర వ్యాఖ్య
-
సల్మాన్ఖాన్ ఇల్లు మారుతున్నారా?
-
ఈనాడు.నెట్లో టాప్ 10 వార్తలు @ 5PM
-
ఆ ఇద్దరికి పగలంతా నిద్ర.. రాత్రంతా జాగారం: వసీమ్ అక్రమ్
-
నన్ను హత్య చేసేందుకు కుట్ర: సీబీఐ మాజీ జేడీ లక్ష్మీనారాయణ