Margadarsi: మార్గదర్శి బ్రాంచీల్లో రెండో రోజూ ఏపీ సీఐడీ తనిఖీలు

అమరావతి: మార్గదర్శిపై ఏపీ ప్రభుత్వం కక్ష సాధింపు కొనసాగుతోంది. రాష్ట్ర వ్యాప్తంగా మార్గదర్శి బ్రాంచీల్లో వరుసగా రెండో రోజూ సీఐడీ తనిఖీలు నిర్వహిస్తోంది. సీఐడీ అధికారులతో పాటు రిజిస్ట్రార్‌ ఆఫ్‌ చిట్స్‌, విజిలెన్స్‌ అధికారులు తనిఖీలు చేపట్టారు. కొన్ని బ్రాంచీల్లో అధికారులు షట్టర్లు మూసి కస్టమర్లను వెనక్కి పంపుతున్నారు. కొన్నిచోట్ల చిట్‌ ఇన్‌స్టాల్‌మెంట్‌ కట్టేందుకు వచ్చినవారిని వెనక్కి పంపారు. మార్గదర్శి బ్రాంచీల్లో విధులకు వచ్చిన సిబ్బంది మొబైల్‌ ఫోన్లను అధికారులు తీసుకున్నారు. 

Margadarsi: కోర్టు ఆదేశాలు బేఖాతరు.. మార్గదర్శిపై మళ్లీ దాడులు

మార్గదర్శిపై ఎలాంటి తీవ్రమైన చర్యలూ తీసుకోవద్దని.. చందాదారులను ఇబ్బందులకు గురిచేయవద్దని ఉన్నత న్యాయస్థానాలు పలుమార్లు ఇచ్చిన ఆదేశాలను బేఖాతరు చేస్తూ అధికారులు సోదాలు జరుపుతున్నారు.