CM Jagan: ఈ ప్రాజెక్టుతో చరిత్ర సృష్టించబోతున్నాం: సీఎం జగన్

ఓర్వకల్లు: కర్నూలు జిల్లా ఓర్వకల్లు మండలం గుమ్మితం తండాలో ఇంటిగ్రేటెడ్‌ రెన్యూవబుల్‌ ఎనర్జీ పవర్‌ ప్రాజెక్టుకు సీఎం జగన్ శంకుస్థాపన చేశారు. ఈ సందర్భంగా సీఎం మాట్లాడుతూ ఒకే యూనిట్‌లో సౌర, పవన, హైడల్‌ విద్యుదుత్పాదన జరుగుతుందని.. ఈ ప్రాజెక్టు ద్వారా చరిత్ర సృష్టించబోతున్నామని చెప్పారు.

శిలాజ ఇంధనం ద్వారా విద్యుదుత్పత్తిని తగ్గించే ఈ ప్రాజెక్ట్‌ దేశానికి సరికొత్త మార్గం చూపుతుందని జగన్‌ వ్యాఖ్యానించారు. నిరంతరం పునరుత్పాదక విద్యుదుత్పత్తి చేయడం ఈప్రాజెక్టు ప్రత్యేకత అని చెప్పారు. ఆంధ్రప్రదేశ్‌ చేపట్టిన ఈ ప్రాజెక్టు.. భవిష్యత్తులో మిగిలిన రాష్ట్రాలు అమలు చేసేందుకు ఆదర్శంగా ఉంటుందని సీఎం అన్నారు. ఈ ప్రాజెక్టును గ్రీన్‌కో ఎనర్జీస్‌ ప్రైవేట్‌ లిమిటెడ్‌ సంస్థ రూ.15వేల కోట్ల పెట్టుబడితో చేపడుతోందని వివరించారు.