దిల్లీలో మరోసారి కంపించిన భూమి

దిల్లీ: దేశ రాజధాని దిల్లీలో ఆదివారం మరోసారి భూమి కంపించింది. రిక్టర్‌ స్కేలుపై భూకంప తీవ్రత 3.4గా నమోదయినట్లు జాతీయ భూకంప అధ్యయన విభాగం (ఎన్‌సీఎస్‌) తెలిపింది. నెల రోజుల వ్యవధిలో దిల్లీలో భూమి కంపించడం ఇది మూడోసారి. భూకంపం కేంద్రం ఈశాన్య దిల్లీలోని వాజిర్‌పూర్‌లో ప్రాంతంలో ఉన్నట్లు ఎన్‌సీఎస్‌ అధిపతి జే.ఎల్. గౌతమ్‌ తెలిపారు. దాదాపు ఐదు కిలోమీర్లు లోతు వరకు భూమి కంపించిందని వెల్లడించారు. గత నెల 12, 13 తేదిల్లో కూడా వాజిర్‌పూర్ పరిసర ప్రాంతాలు కేంద్రంగా 3.5, 2.7 తీవ్రతతో రెండు సార్లు భూమి కంపించిందని ఎన్‌సీఎస్‌ తెలిపింది. భూకంపం రావడానికి అవకాశం ఉన్న ఐదు జోన్లలో దిల్లీ నాలుగో జోన్‌లో ఉంది.