Hyd Airport MetroP: ఎయిర్‌పోర్టు మెట్రో కోసం భూ సామర్థ్య పరీక్షలు

శంషాబాద్ విమానాశ్రయం వరకు మెట్రో రైలు నిర్మాణం కోసం భూ సామర్థ్యపరీక్షలు ప్రారంభించినట్లు హైదరాబాద్‌ మెట్రో ఎండీ ఎన్వీఎస్‌ రెడ్డి తెలిపారు. ఇప్పటికే ఈ ప్రాజెక్టు కోసం అలైన్‌మెంట్‌ స్థిరీకరణ, పెన్‌ మార్కింగ్‌ పనులు పూర్తయినట్లు చెప్పారు. ఐకియా కూడలి నుంచి శంషాబాద్‌ వరకు 100 మెట్రో పిల్లర్లు అవసరం అవుతాయన్న ఆయన.. ఈ పిల్లర్ల వద్ద నమూనాలను తీసుకొని భూ సామర్థ్య పరీక్షలు నిర్వహిస్తున్నట్లు చెప్పారు. సుమారు 40 అడుగుల లోతు వరకు మెట్రో పిల్లర్‌ కోసం తవ్వకాలు చేస్తున్నామన్నారు. రెండు నెలల్లో భూ సామర్థ్య పరీక్షలు పూర్తి చేయనున్నట్లు చెప్పారు. భూ సామర్థ్య పరీక్షలతో స్తంభాల పునాదులు ఏ మేరకు తవ్వాలనే దానిపై స్పష్టత రావడంతోపాటు, టెండర్‌ ప్రక్రియలో పాల్గొనే బిడ్డర్లకు కూడా ఈ ప్రాజెక్టు నిర్మాణం జరిగే భూమి తీరుపై అవగాహన కలుగుతుందన్నారు.