Periods: నెలసరి సమయమా! ఈ జాగ్రత్తలు పాటించండి!

ఇంటర్నెట్‌ డెస్క్‌: నెలసరి సమయంలో చాలా నీరసంగా ఉంటుంది. ఏ పని చేసేందుకు ఓపిక ఉండదు. దీనికి తోడు కోపం చిరాకు కూడా తోడవుతాయి. ఈ సమయంలో ఈ జాగ్రత్తలు తీసుకోండి!

• పీరియడ్స్‌ సమయంలో వ్యాయామాలు ఎక్కువగా చేయకపోవటమే మంచిది. ఒకే దగ్గర కూర్చోకుండా కాసేపు అటు ఇటూ నడవండి. 
• ఈ సమయంలో ఎక్కువగా చిరాకుగా ఉంటుంది. కాబట్టి ఎక్కువ శబ్దం వచ్చేలా కాకుండా శ్రావ్యమైన సంగీతాన్ని వింటూ ధ్యానం చేయండి. దీంతో మనసుకు కాస్త ప్రశాంతత చేకూరుతుంది. 
• డార్క్‌ చాక్లెట్లు నొప్పి నుంచి ఉపశమనం ఇస్తాయి. 
• ఈ సమయంలో నొప్పి ఎక్కువగా వస్తే వేడి నీళ్లతో కాపడం పెట్టుకుంటే కాస్త ఉపశమనంగా ఉంటుంది. మార్కెట్‌లో ఎలక్ట్రానిక్‌ హాట్‌ బ్యాగులు కూడా అందుబాటులో ఉన్నాయి. 
• ఎక్కువగా విశ్రాంతి తీసుకోవాలి! కాఫీ, టీలు తాగకూడదు. ఈ సమయంలో పండ్ల రసాలు తాగితే శరీరానికి శక్తి లభిస్తుంది. 
• ఈ సమయంలో ఆరోగ్యకరమైన ఆహారాన్ని తీసుకోవాలి. ఫ్రూట్స్‌ తీసుకోవటం ఉత్తమం. జంక్‌ ఫుడ్‌కు దూరంగా ఉండండి. ఎక్కువగా మసాలాలు ఉండే ఆహారం తినకూడదు.