Updated : 21 May 2022 15:51 IST

Health: అతిగా దాహం వేస్తే ఇలా చేయండి

ఇంటర్నెట్‌ డెస్క్‌: ఎంత నీరు తాగినా దాహం తీరదు. వేసవిలో అయితే మరీ ఎక్కువగా ఉంటుంది. మంచినీరు ఎంత తాగినా చెమట రాదు..మూత్రం పోవాలనిపించదు. చివరికి కూల్‌డ్రింక్‌ను కూడా ఆశ్రయిస్తారు. కానీ ఆరోగ్యానికి మేలు చేయని ఈ పానీయాలతో వేసవి దాహం తీరదు. ఇలాంటి సమస్యకు ఎలా అడ్డుకట్ట వేయాలి..? పరిష్కార మార్గాలను వైద్యులు సూచించారు.

* వేసవిలో నీరు ఎంత తాగినా నాలుక పిడుచకట్టుకొని పోతుంది. అలా అని ఇష్టం వచ్చినట్టు ఏదీ పడితే అది తాగొద్దు.

* యాలకులు, అతి మధురం, ఉసిరిక పొడి, మిరియాలు, పంచదార బాగా కలిపి దంచి రోజుకు రెండుసార్లు చెంచా చొప్పున తీసుకుంటే దప్పిక తీరుతుంది.

* కొన్ని చలువ మిరియాలను నోట్లో వేసుకొని చప్పరిస్తే అతి దాహం తగ్గుతుంది. 

* దనియాలను కషాయంగా కాచి దానిలోకి కొంత పంచాదార కలుపుకొని తాగితే దాహం సమస్య ఇట్టే తగ్గిపోతుంది.

* ఎండు ఖర్జూరం, ఎండు ద్రాక్ష కలిపి నీళ్లలో నానపెట్టి ఆ నీటిని తాగుతుంటే అతి దాహం సమస్యగా మారకుండా ఉంటుంది. 

* చల్లని నీటిలో కాస్త పంచదార, నిమ్మరసం కలిపి తీసుకున్నా దాహం వేయదు. 


Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని