చెత్త నుంచి సంపద తయారీ కేంద్రాలకు వైకాపా రంగులు.. హైకోర్టులో విచారణ

అమరావతి: ఆంధ్రప్రదేశ్‌లో ఏర్పాటు చేస్తున్న చెత్త నుంచి సంపద తయారీ కేంద్రాలకు, మోటార్లకు వైకాపా రంగులు వేస్తున్నారంటూ ‘జై భీమ్ యాక్సిస్ జస్టిస్’ సంస్థ కృష్ణా జిల్లా అధ్యక్షుడు సురేశ్‌ కుమార్ దాఖలు చేసిన పిటిషన్‌పై హైకోర్టులో విచారణ జరిగింది. ప్రభుత్వ వ్యయంతో ఏర్పాటు చేసే భవనాలకు పార్టీ రంగులు వేయడంపై పిటిషనర్ అభ్యంతరం తెలిపారు. వాదనలు విన్న న్యాయస్థానం పంచాయతీ రాజ్ శాఖ ప్రిన్సిపల్ సెక్రటరీ, స్వచ్ఛ ఆంధ్ర కార్పొరేషన్ మేనేజింగ్ డైరెక్టర్‌లను ఈనెల 16న కోర్టుకు వ్యక్తిగతంగా హాజరు కావాలని ఆదేశిస్తూ.. ప్రతివాదులకు హైకోర్టు నోటీసులు జారీ చేసింది. తదుపరి విచారణను ఈనెల 16కు వాయిదా వేసింది.