Updated : 07/12/2021 16:30 IST

Offbeat: పాముల కోసం పెట్టిన పొగ.. ₹13 కోట్ల ఇంటిని కాల్చేసింది..!

అన్నాపోలిస్‌: తానొకటి తలిస్తే దైవం ఒకటి తలచినట్లుంది అమెరికాలోని మేరీలాండ్‌కు చెందిన వ్యక్తి పరిస్థితి. ఇంటికి పట్టిన పాముల పీడను వదిలించుకుందామని అతడు చేసిన ప్రయత్నం కాస్తా బెడిసి కొట్టింది. దాంతో పదివేల చదరపు అడుగుల్లో ఉన్న 1.8 మిలియన్ డాలర్ల విలువైన ఇల్లు మంటల్లో కాలిపోయింది. ఓ మీడియా సంస్థ వెల్లడించిన కథనం ప్రకారం.. మేరీలాండ్‌కు చెందిన ఓ వ్యక్తి ఇంట్లో పాముల బెడద ఎక్కువగా ఉంది. ఎన్ని ప్రయత్నాలు చేసినా ఫలితం లేకపోవడంతో ఈ సారి చాలా పెద్ద రిస్క్ చేశాడు. బొగ్గును ఉపయోగించి పొగపెట్టాలనుకున్నాడు. 

అయితే ఇంట్లో మండే స్వభావం కలిగిన వస్తువులకు దగ్గరగా బొగ్గును ఉంచడంతో అవి కాలడంతో పాటు ఇంటికి నిప్పంటుకుంది. దాంతో ఇల్లు కాలి లబోదిబోమన్నాడు. దీనికి సంబంధించిన చిత్రాలను అగ్నిమాపక శాఖ ట్విటర్‌లో షేర్ చేసింది. మంటల వల్ల ఇంటి గోడలు మాత్రమే మిగిలినట్లు తెలుస్తోంది. అయితే ఎలాంటి ప్రాణహాని సంభవించలేదు. ఇక పాములు సంగతేంటో తెలియరాలేదు..!. దీనిపై నెటిజన్లు తమదైన శైలిలో కామెంట్లు పెడుతున్నారు. మాకూ ఇలాంటి బెడద ఉన్నా.. ఈ ప్రయత్నం మాత్రం ఎప్పుడూ చేయలేదని పేర్కొన్నారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని