AP News: అడ్వైజరీ కమిటీ నియామక సమాచారంతో ఉక్కు ఉద్యమం ఉద్ధృతం

విశాఖ: ఉక్కు పరిశ్రమ ప్రైవేటీకరణ నిర్ణయంలో భాగంగా లీగల్‌ అడ్వైజరీ కమిటీని నియమిస్తున్నారన్న సమాచారంతో కార్మికులు, నిర్వాసితులు ఉద్యమాన్ని ఉద్ధృతం చేశారు. స్టీల్ ప్లాంట్ లోపలకు వెళ్లే అన్ని గేట్ల వద్ద బైఠాయించి నిరసన తెలిపారు. విధులకు వెళ్లే కార్మికులు, ఉద్యోగులను అడ్డుకునన్నారు. అఖిలపక్ష పోరాట కమిటీ ఆధ్వర్యంలో చేపట్టిన ఆందోళనలో పెద్ద సంఖ్యలో కార్మికులు పాల్గొని ప్రైవేటీకరణకు వ్యతిరేకంగా నినాదాలు చేశారు. కేంద్రం తన నిర్ణయాన్ని ఇప్పటికైనా ఉపసంహరించుకోవాలని.. లేని పక్షంలో ఉద్యమాన్ని మరింత ముందుకు తీసుకెళతామని విశాఖ స్టీల్‌ ప్లాంట్ పరిరక్షణ పోరాట సమితి సభ్యులు తెలిపారు. వైసీపీటీసీ, టీఎన్టీయూసీ, డీఎంఎస్ సంఘాల ప్రతినిధులు నిరసనలో పాల్గొన్నారు.