Polavaram: పోలవరం ప్రాజెక్టు నిధుల విడుదలపై స్పష్టత ఇచ్చిన కేంద్రం

దిల్లీ: పోలవరం ప్రాజెక్టు నిధుల విడుదలపై కేంద్ర ప్రభుత్వం స్పష్టత ఇచ్చింది. రాష్ట్ర ప్రభుత్వం పంపిన ప్రతిపాదనలు ఆమోదించాకే నిధుల విడుదల ఉంటుందని మచిలీపట్నం వైకాపా ఎంపీ వి.బాలశౌరి లోక్‌సభలో అడిగిన ప్రశ్నకు కేంద్ర మంత్రి  బిశ్వేశ్వర్‌ టుడు లిఖితపూర్వక సమాధానం ఇచ్చారు. ‘‘పోలవరం పనుల తీరుకు అనుగుణంగానే నిధులు విడుదల ఉంటుంది. జూన్‌ 5న రాష్ట్రం తాజా ప్రతిపాదన సమర్పించింది. 41.15 మీటర్ల మేర నీటి నిల్వకు ప్రతిపాదన సమర్పించింది. రూ.17,144 కోట్లతో రాష్ట్రం సవరించిన ప్రతిపాదన ఇచ్చింది. రాష్ట్రం పంపిన తాజా ప్రతిపాదనను కేంద్రం ఆమోదించాల్సి ఉంది’’ అని బిశ్వేశ్వర టుడు వెల్లడించారు.