Yadagirigutta: యాదగిరిగుట్టలో వైభవంగా తిరు కల్యాణ మహోత్సవం

భువనగిరి: యాదగిరిగుట్టలో శ్రీ లక్ష్మీ నరసింహ స్వామి వార్షిక బ్రహ్మోత్సవాలు వైభవంగా సాగుతున్నాయి. ఎనిమిదో రోజు స్వామివారి తిరు కల్యాణ మహోత్సవానికి భక్తులు పెద్దఎత్తున తరలివచ్చారు. మంత్రోచ్ఛరణలు, మంగళవాయిద్యాల నడుమ వేడుక ఘనంగా జరిగింది. గజ వాహనంపై తిరుమాడ వీధుల్లో ఊరేగుతూ కల్యాణ మండపానికి నరసింహ స్వామి, శ్రీ లక్ష్మి అమ్మవార్లు చేరుకున్నారు. ప్రభుత్వం తరఫున దేవాదాయ శాఖ కమిషనర్ హన్మంతరావు పట్టు వస్త్రాలు సమర్పించారు. కార్యక్రమంలో మంత్రులు కోమటిరెడ్డి వెంకట్‌రెడ్డి, తుమ్మల నాగేశ్వరరావు పాల్గొన్నారు. బ్రహ్మోత్సవాల సందర్భంగా స్వామివారి నామస్మరణతో యాదగిరిగుట్ట మార్మోగుతోంది.