బంగారు కోడిపెట్ట!

కోడిపెట్ట రోజుకు ఒక గుడ్డు పెడుతుంది. అప్పుడప్పుడు రెండు పెడుతుంది. కేరళ రాష్ట్రం కోజికోడ్‌లోని బాలుస్సెరీలో ఓ కోడిపెట్ట ఒకేరోజులో ఏకంగా 11 గుడ్లు పెట్టి అందరినీ ఆశ్చర్యపరిచింది. కొలత్తూరుకు చెందిన మనోజ్‌ అనే వ్యక్తి ఇంట్లో గత గురువారం ఈ విచిత్రం జరిగింది. ఉదయం ఏడింటి నుంచి మధ్యాహ్నం ఒంటిగంట మధ్య అర గంటకోసారి గుడ్డు పెట్టినట్లు మనోజ్‌ తెలిపారు. నాలుగు నెలల కిందట బంధువుల ఇంటి నుంచి ఈ కోడిని తెచ్చుకున్నట్లు వెల్లడించారు. హార్మోన్ల ప్రభావం వల్లే కోడిపెట్ట అన్ని గుడ్లు పెట్టి ఉంటుందని నిపుణులు చెబుతున్నారు.