Breaking | Feedback | E-PAPER | Pratibha

సోదరి కులాంతర వివాహం.. బైక్‌పై వచ్చి ఎత్తుకెళ్లిన అన్న

కుటుంబ ఇష్టానికి విరుద్ధంగా ప్రేమించిన యువకుణ్ని ఓ యువతి కులాంతర వివాహం చేసుకోగా.. ఆమె సోదరుడు బైక్‌పై వచ్చి సినీ ఫక్కీలో అత్తారింటి నుంచి తనను ఎత్తుకెళ్లాడు.

Published : 07 Jun 2023 03:56 IST

కుటుంబ ఇష్టానికి విరుద్ధంగా ప్రేమించిన యువకుణ్ని ఓ యువతి కులాంతర వివాహం చేసుకోగా.. ఆమె సోదరుడు బైక్‌పై వచ్చి సినీ ఫక్కీలో అత్తారింటి నుంచి తనను ఎత్తుకెళ్లాడు. బిహార్‌లోని అరారియా జిల్లాలో ఈ ఘటన జరిగింది. రూప, ఛోటు కుమార్‌ ఠాకుర్‌ గత కొంతకాలంగా ప్రేమించుకున్నారు. వీరిద్దరి కులాలు వేరు కావడం వల్ల యువతి కుటుంబం పెళ్లికి అంగీకరించలేదు. దీంతో కుటుంబసభ్యులను కాదని జూన్‌ 2న ఆమె కులాంతర వివాహం చేసుకుంది. ఆగ్రహించిన యువతి సోదరుడు పెళ్లైన మరుసటిరోజే.. మరో వ్యక్తితో కలిసి వచ్చి అత్తారింట్లో నుంచి సోదరిని బలవంతంగా బైకుపై ఎత్తుకెళ్లాడు. స్థానికులు ఈ ఘటనను సెల్‌ఫోన్లతో వీడియో తీశారు. అబ్బాయి కుటుంబం నుంచి ఫిర్యాదు అందుకున్న బథ్‌నాహ పోలీసులు యువతిని పోలీస్‌స్టేషనుకు తీసుకువచ్చి విచారించారు. రూప వాంగ్మూలం తీసుకొని, నిందితులను కోర్టులో హాజరుపరుస్తామని పోలీసు అధికారి కుశ్రు సిరాజ్‌ తెలిపారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.