పశ్చిమబెంగాల్‌లో 47.6 డిగ్రీలు

దేశంలో రికార్డు ఉష్ణోగ్రతలు

దిల్లీ: దేశంలో ఎన్నడూ లేనంతగా వేసవిలో రికార్డు స్థాయిలో ఉష్ణోగ్రతలు నమోదవుతున్నాయి. పశ్చిమబెంగాల్‌లోని కలాయ్‌కుందాలో మంగళవారం వేసవి తాపం 47.6 డిగ్రీల గరిష్ఠ స్థాయికి చేరుకుంది. ఫలితంగా భారత వాతావరణ కేంద్రం(ఐఎండీ) ఆ ప్రాంతంలో ఆరెంజ్‌ అలర్ట్‌ని జారీ చేసింది. మరోవైపు శీతల ప్రాంతాలైన ఊటీ, మథేరాన్‌ సైతం మండుతున్న వేసవి నుంచి తప్పించుకోలేకపోతున్నాయి. 29.4 డిగ్రీల ఉష్ణోగ్రత నమోదుతో గత ఇరవై ఏళ్ల రికార్డును తమిళనాడులోని ఊటీ బద్దలు కొట్టింది. ఒడిశా, పశ్చిమబెంగాల్‌, ఆంధ్రప్రదేశ్‌, తెలంగాణల్లోని పలు నగరాల్లో ఉష్ణోగ్రతలు 44 డిగ్రీల కంటే అధికంగా నమోదయ్యాయి.