హిమపాతంలో చిక్కుకున్న పౌరుల్ని కాపాడిన సైన్యం

శ్రీనగర్‌: జమ్మూ-కశ్మీర్‌లోని కుప్వారా జిల్లాలో భారీ హిమపాతం కారణంగా చిక్కుకున్న ఘటనల్లో దాదాపు 30 మంది పౌరులను సైనికులు సురక్షితంగా కాపాడారు. సోమవారం తంగ్‌ధర్‌-చౌకీబాల్‌ ప్రాంతంలో ఓ వాహనం చిక్కుకుపోయిందని.. వెంటనే ఆర్మీ యూనిట్‌ను అప్రమత్తం చేసి సహాయక చర్యలు ప్రారంభించినట్లు ఆర్మీ ఉన్నతాధికారులు వెల్లడించారు. వాహనంపై మంచు దిబ్బలు పడకముందే అందులో నుంచి దిగి ప్రాణాలు కాపాడుకున్నట్లు బాధిత పౌరులు వెల్లడించారు.