Modi: శిర్డీ సాయిబాబాను సందర్శించుకున్న ప్రధాని మోదీ

ముంబయి: ప్రధాని నరేంద్రమోదీ(Modi)గురువారం మహారాష్ట్ర(Maharashtra)లో పర్యటించారు. ప్రసిద్ధ శిర్డీ సాయిబాబా మందిరంలో పూజలు నిర్వహించారు. ఆలయం వద్ద దర్శన్‌ క్యూ కాంప్లెక్స్‌ను ఆరంభించారు. ఈ పర్యటనలో ఆయన వెంట మహారాష్ట్ర గవర్నర్‌ రమేశ్‌ బైస్‌, ముఖ్యమంత్రి ఏక్‌నాథ్‌ శిందే, ఉప ముఖ్యమంత్రి దేవేంద్ర ఫడణవీస్‌ ఉన్నారు.

ఈ సందర్భంగా అహ్మద్‌నగర్‌ జిల్లాలోని నిల్వండే డ్యామ్‌కు జల పూజ చేశారు. ఆ తర్వాత డ్యామ్ ఎడమకాలువను ప్రారంభించారు. 85 కి.మీ. మేర పొడవైన ఈ కాలువ వల్ల 182 గ్రామాలు లబ్ధి పొందనున్నాయి. అలాగే ‘నమో షెత్కారీ మహాసన్మాన్‌ నిధి యోజన’ను ఆవిష్కరించారు. ఈ పథకం వల్ల మహారాష్ట్రలో 86 లక్షల మంది రైతులు ప్రయోజనం పొందనున్నారు. వైద్య, రవాణా, ఇంధనం.. ఇలా పలు రంగాలకు సంబంధించి రూ. 7,500 కోట్ల విలువైన ప్రాజెక్టుల ప్రారంభం, శంకుస్థాపన చేశారు. పేదల సంక్షేమం కోసం ప్రభుత్వ కేటాయింపులు పెరుగుతున్నాయని ఈ సందర్భంగా ప్రధాని వెల్లడించారు.

షాంఘై సదస్సులో ‘ఆషికీ 2’ పాట.. వీడియో వైరల్‌

మహారాష్ట్ర పర్యటన అనంతరం మోదీ గోవా వెళ్తారు. అక్కడ 37వ జాతీయ క్రీడల్ని ప్రారంభిస్తారు. ఆ తర్వాత క్రీడాకారుల్ని ఉద్దేశించి ప్రసంగిస్తారని గోవా ప్రభుత్వం వెల్లడించింది. గోవా మొదటిసారి జాతీయ క్రీడలకు ఆతిథ్యం ఇస్తోంది. ఈ క్రీడలు అక్టోబర్ 26 నుంచి నవంబర్ 9 వరకు జరగనున్నాయి.