‘మా’ ఎన్నికలు అక్టోబరు 10న

మూవీ ఆర్టిస్ట్స్‌ అసోసియేషన్‌ (మా) కార్యవర్గ ఎన్నికల తేదీ ఖరారైంది. అక్టోబరు 10న ఎన్నికల్ని నిర్వహించనున్నట్టు ‘మా’ అధ్యక్షుడు వి.కె.నరేష్‌ ఓ ప్రకటనలో తెలిపారు. ఇటీవల జరిగిన సర్వసభ్యసమావేశం అనంతరం మా క్రమశిక్షణ కమిటీ ఎన్నికలపై తుది నిర్ణయం తీసుకుంది. ఆ మేరకు మా అధ్యక్షుడు ఎన్నికల నిర్వహణ తేదీ విషయాన్ని ప్రకటించారు. 2021 - 23 కాలానికిగానూ జరగనున్న కార్యవర్గ ఎన్నికల్లో అధ్యక్ష పదవి కోసం పలువురు నటులు పోటీ పడుతున్నారు. ఇప్పటికే  ప్రకాష్‌రాజ్‌, మంచు విష్ణు, జీవితా రాజశేఖర్‌, హేమ, సీవీఎల్‌ నరసింహారావు తాము పోటీ చేస్తున్న విషయాన్ని వెల్లడించారు.