Ira Khan: కుమార్తె వివాహం.. కన్నీళ్లు పెట్టుకున్న స్టార్‌హీరో

ఇంటర్నెట్‌డెస్క్‌: బాలీవుడ్‌ స్టార్‌హీరో ఆమిర్‌ఖాన్‌ (Aamir Khan) కుమార్తె ఐరా ఖాన్‌ (Ira Khan) వివాహం వేడుకగా జరిగింది. రాజస్థాన్‌లోని ఉదయ్‌పుర్‌ వేదికగా బుధవారం సాయంత్రం క్రైస్తవ సంప్రదాయంలో ఐరా - నుపుర్‌ శిఖరే ఒక్కటయ్యారు. కుటుంబసభ్యులు, సన్నిహితుల సమక్షంలో జరిగిన ఈ పెళ్లి వేడుక ఫొటోలు నెట్టింట వైరల్‌గా మారాయి. కుమార్తె పెళ్లి చూసి ఆమిర్‌ భావోద్వేగానికి గురయ్యారు. కన్నీళ్లు తుడుచుకుంటూ కనిపించారు.

Nayanthara: నయన్‌ చిత్రానికి చిక్కులు.. ఓటీటీ స్ట్రీమింగ్‌ నుంచి తొలగింపు

ఆమిర్‌ ఖాన్‌ - రీనా దత్తా కూతురుగా ఐరా ఖాన్‌ సినీ ప్రియులకు సుపరిచితమే. మానసిక ఆరోగ్యంపై అవగాహన కల్పిస్తూ సామాజిక మాధ్యమాల్లో ఐరా తరచూ పోస్టులు పెడుతుంటారు. ఆమిర్‌ ఖాన్‌కు నుపుర్‌ శిఖరే వ్యక్తిగత ఫిట్‌నెస్‌ ట్రైనర్‌గా ఉన్నారు. కరోనా సమయంలో ఐరా కూడా నుపుర్‌ వద్ద ఫిట్‌నెస్‌ పాఠాలు నేర్చుకున్నారు. ఈ పరిచయం వారి మధ్య ప్రేమగా మారింది. ఇరు కుటుంబాల పెద్దలు అంగీకరించడంతో జనవరి 3న రిజిస్టర్‌ వివాహం చేసుకున్నారు.