Gali Nageswara rao: ‘గాలి నాగేశ్వరరావు’ జోరు

మంచు విష్ణు కథానాయకుడిగా ఈషాన్‌ సూర్య తెరకెక్కిస్తున్న చిత్రం ‘గాలి నాగేశ్వరరావు’. అవ ఎంటర్‌టైన్‌మెంట్స్‌ పతాకంపై నిర్మిస్తున్నారు. పాయల్‌ రాజ్‌పూత్‌, సన్నీలియోన్‌ కీలక పాత్రల్లో నటిస్తున్నారు. ఈ చిత్ర రెండో షెడ్యూల్‌ తాజాగా హైదరాబాద్‌లో ప్రారంభమైంది. ఈ విషయాన్ని చిత్ర బృందం సామాజిక మాధ్యమాల వేదికగా తెలియజేసింది. ఈ షెడ్యూల్‌లో భాగంగా మంచు విష్ణు, సన్నీ లియోన్‌తో పాటు మిగిలిన ప్రధాన తారాగణంపై కీలక సన్నివేశాలు తెరకెక్కిస్తున్నారు. సెట్లో విష్ణుతో కలిసి చేసిన ఓ ఫన్నీ వీడియోని సన్నీలియోన్‌ తన ఇన్‌స్టాగ్రామ్‌ ద్వారా అభిమానులతో పంచుకుంది. ఈ సినిమాలో ఆమె రేణుకగా కనిపించనుంది. స్వాతి అనే పాత్రలో పాయల్‌ సందడి చేయనుంది. ఈ చిత్రానికి సంగీతం: అనూప్‌ రూబెన్స్‌, ఛాయాగ్రహణం: చోటా.కె.నాయుడు.