yevam: ఆడపిల్లనే! ఐతే ఏంటంట?

చాందిని చౌదరి ప్రధాన పాత్రలో ప్రకాష్‌ దంతులూరి తెరకెక్కిస్తున్న చిత్రం ‘యేవమ్‌’. నవదీప్‌, పవన్‌ గోపరాజు సంయుక్తంగా నిర్మిస్తున్నారు. వశిష్ఠ సింహా, జై భారత్‌ తదితరులు కీలక పాత్రలు పోషిస్తున్నారు. ఈ సినిమాలోని చాందిని పాత్రకు సంబంధించిన ఫస్ట్‌లుక్‌ను శుక్రవారం విడుదల చేశారు. అందులో చాందిని పోలీసుగా సీరియస్‌ లుక్‌లో కనిపించారు. ‘‘ఆడపిల్లనే! ఐతే ఏంటంట?’’ అంటూ ఆ పోస్టర్‌పై ఉన్న వ్యాఖ్య ఆసక్తి రేకెత్తించేలా ఉంది. ‘‘కొత్తదనం నిండిన కథాంశంతో.. విభిన్నమైన నేరేషన్‌తో ఈ సినిమా రూపొందిస్తున్నాం. తప్పకుండా ఇది అందరికీ నచ్చుతుంద’’ని చిత్ర వర్గాలు తెలిపాయి. ఈ సినిమాకి సంగీతం: కీర్తన శేషు, నీలేష్‌ మందలపు, ఛాయాగ్రహణం: ఎస్వీ విశ్వేశ్వర్‌.