Game Changer: దీపావళికి గేమ్‌ ఛేంజర్‌ పాట

కథానాయకుడు రామ్‌చరణ్‌.. దర్శకుడు శంకర్‌ కలయికలో రూపొందుతోన్న పాన్‌ ఇండియా చిత్రం ‘గేమ్‌ ఛేంజర్‌’. దిల్‌రాజు, శిరీష్‌ సంయుక్తంగా నిర్మిస్తున్నారు. కియారా అడ్వాణీ కథానాయిక. అంజలి, సముద్రఖని, ఎస్‌.జె.సూర్య, శ్రీకాంత్‌ తదితరులు కీలక పాత్రలు పోషిస్తున్నారు. ఈ సినిమాలోని ‘‘జరగండి..’’ గీతాన్ని దీపావళి సందర్భంగా విడుదల చేయనున్నారు. ఈ విషయాన్ని విజయ దశమి సందర్భంగా అధికారికంగా ప్రకటిస్తూ కొత్త పోస్టర్‌ను విడుదల చేశారు. ‘‘రాజకీయ అంశాలతో ఉన్న యాక్షన్‌ కథాంశంతో రూపొందుతోన్న చిత్రమిది. ఇందులో చరణ్‌ లార్జర్‌ దేన్‌ లైఫ్‌ పాత్రలో కనిపించనున్నారు. చిత్రీకరణ శరవేగంగా జరుగుతోంది’’ అని చిత్ర వర్గాలు తెలిపాయి. ఈ సినిమాకి తమన్‌ సంగీతమందిస్తుండగా.. ఎస్‌.తిరుణావుక్కరసు ఛాయాగ్రాహకుడిగా వ్యవహరిస్తున్నారు.