vijay devarakonda: సీమ కథతో తొలిసారి

విజయ్‌ దేవరకొండ ప్రస్తుతం గౌతమ్‌ తిన్ననూరి దర్శకత్వంలో ఓ స్పై యాక్షన్‌ థ్రిల్లర్‌ చేస్తున్న సంగతి తెలిసిందే. దీని తర్వాత ఆయన దర్శకుడు రాహుల్‌ సంకృత్యాన్‌తో ఓ సినిమా చేయనున్నారు. ‘టాక్సీవాలా’ విజయం తర్వాత ఈ ఇద్దరి నుంచి రానున్న రెండో చిత్రమిది. దీన్ని మైత్రీ మూవీ మేకర్స్‌ సంస్థ నిర్మించనుంది. ఇది రాయలసీమ నేపథ్యంగా సాగే పీరియాడిక్‌ యాక్షన్‌ కథాంశంతో రూపొందనున్నట్లు సమాచారం. ఈ సినిమా కోసం విజయ్‌ తొలిసారి సీమ యాసలో సంభాషణలు పలకనున్నట్లు తెలిసింది. ఈ నెల 9న విజయ్‌ పుట్టినరోజు సందర్భంగా ఈ చిత్రాన్ని అధికారికంగా ప్రకటించనున్నారు. ఇది వచ్చే ఏడాది జనవరిలో చిత్రీకరణ ప్రారంభించుకోనున్నట్లు తెలుస్తోంది.