Gehraiyaan Teaser: బోల్డ్‌గా దీపికా పదుకొణె..గెహ్రాహియా టీజర్‌ చూశారా?

ఆకట్టుకునేలా గెహ్రాహియా టీజర్‌

ఇంటర్నెట్‌ డెస్క్‌: బాలీవుడ్‌ నటులు దీపికా పదుకొణె- సిద్ధాంత్‌ చతుర్వేది, అనన్యా పాండే- ధైర్యా కర్వా జంటలుగా నటించిన రొమాంటిక్‌ చిత్రం ‘గెహ్రాహియా’. అమెజాన్‌ ప్రైమ్‌  ఓటీటీ వేదికగా వచ్చే ఏడాది జనవరి25న ప్రేక్షకుల ముందుకు రానుంది. ఈ సందర్భంగా గెహ్రాహియా టీజర్‌ను దీపికా తన ఇన్‌స్టాగ్రామ్‌లో పంచుకుంది. టీజర్‌ ప్రారంభంలో బోల్డ్‌గా దర్శనమిచ్చింది. సిద్ధాంత్‌ చతుర్వేదితో ముద్దు సన్నివేశాలతో పాటు బీచ్‌లో బికినీలో కనిపించింది. కాగా గెహ్రాహియా చిత్రం గురించి ఆసక్తికర వ్యాఖ్యలు చేసింది దీపిక .  ప్రేమ, అందులో ఉండే పరిణామాల చుట్టూ కథను తీర్చిదిద్దాడు దర్శకుడు షకున్‌ బత్రా. నసీరుద్దీన్‌ షా, రాజాత్‌  కపూర్‌ కీలక పాత్రలు పోషించారు. సుమిత్‌ రాయ్‌ కథ అందించగా  కరణ్‌ జోహర్‌ ప్రొడక్షన్‌ హౌస్‌ ధర్మా ప్రొడక్షన్స్‌ హౌస్‌ నిర్మిస్తుంది. ఇక ఈ టీజర్‌ బాగుందంటూ బాలీవుడ్‌ నటుడు హృతిక్‌ రోషన్‌, టాలీవుడ్‌ ప్రముఖ నటి సమంత ప్రశంసించారు.