Breaking | Feedback | ePratibha | E-PAPER | Pratibha

పవన్‌ గురించి శ్రుతిహాసన్‌ ఏమన్నారంటే

పవర్‌స్టార్‌ పవన్‌కల్యాణ్‌ గురించి నటి శ్రుతిహాసన్ స్పందించారు. ఆయన చాలా మంచి వ్యక్తి అన్నారు. తాజాగా ఆమె సోషల్‌మీడియా వేదికగా కొంతసమయంపాటు అభిమానులతో ముచ్చటించారు. ఇందులో భాగంగా అభిమానులు..

Updated : 11 Jun 2020 09:52 IST

‘వకీల్‌సాబ్’పై నటి కామెంట్‌

హైదరాబాద్‌: నటి శ్రుతిహానస్‌ తాజాగా సోషల్‌మీడియా వేదికగా అభిమానులతో ముచ్చటించారు. అభిమానులు అడిగిన పలు ప్రశ్నలకు సమాధానమిచ్చారు. పవన్‌కల్యాణ్‌ గురించి ఏమైనా చెప్పమని ఓ నెటిజన్‌ కోరగా.. ‘ఆయన ఓ అద్భుతం. మంచి మనస్సున్న మనిషి’ అని ఆమె తెలిపారు. అనంతరం ఓ అభిమాని‌.. ‘పవన్‌ ‘వకీల్‌సాబ్‌’ చిత్రంలో మీరు నటిస్తున్నారా?’ అని అడగ్గా.. ‘ఆ విషయాన్ని ఇప్పుడు చెప్పను’ అంటూ నవ్వుతూ సమాధానమిచ్చారు. ఇదిలా ఉండగా మరో నెటిజన్‌.. ‘మేడమ్‌ మీకు బాయ్‌ఫ్రెండ్‌ ఉన్నారా? మీకు పెళ్లి అయ్యిందా?’ అంటూ కామెంట్‌ చేశాడు. ‘నాకు బాయ్‌ఫ్రెంఢ్‌ లేడు. అలాగే నాకు పెళ్లి కాలేదు’ అని ఆమె సున్నితంగా సమాధానమిచ్చారు. అయితే గత కొంతకాలం క్రితం మైకేల్ కోర్సోల్‌ అనే వ్యక్తితో శ్రుతిహాసన్‌ సన్నిహితంగా ఉన్న విషయం తెలిసిందే. కొన్ని కారణాల వల్ల వీరిద్దరూ విడిపోయారు.

పవన్‌కల్యాణ్‌ కథానాయకుడిగా తెరకెక్కిన ‘గబ్బర్‌సింగ్‌’ చిత్రంలో శ్రుతిహాసన్‌ హీరోయిన్‌గా నటించిన విషయం తెలిసిందే. అనంతరం 2017లో విడుదలైన ‘కాటమరాయుడు’ చిత్రం కోసం వీరిద్దరూ మరోసారి కలిసి నటించారు. ఆ తర్వాత సినిమాలకు దూరంగా ఉన్న ఆమె ‘క్రాక్‌’తో టాలీవుడ్‌లోకి రీఎంట్రీ ఇస్తున్నారు. రవితేజ కథానాయకుడిగా తెరకెక్కుతోన్న ఈ చిత్రానికి గోపీచంద్‌ మలినేని దర్శకత్వం వహిస్తున్నారు.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.