‘దృశ్యం2’ పూర్తి  

మెరుపు వేగంతో సినిమాని పూర్తి చేశారు వెంకటేష్‌. ఆయన కథానాయకుడిగా ‘దృశ్యం2’ తెరకెక్కుతున్న సంగతి తెలిసిందే. విజయ వంతమైన ‘దృశ్యం’కి కొనసాగింపుగా రూపొందుతున్న చిత్రమిది. ఈసారి మాతృకని తెరకెక్కించిన మలయాళ దర్శకుడు జీతు జోసెఫ్‌యే తెలుగులోనూ దర్శకత్వం వహిస్తున్నారు. తొలి భాగం సినిమాలో నటించిన మీనా, నదియా, నరేష్‌ తదితర తారాగణమే ఇందులోనూ నటిస్తోంది. మార్చి 5న సెట్స్‌పైకి వెళ్లిన ఈ సినిమా చివరి దశకు చేరుకుంది. వెంకటేష్‌పై తెరకెక్కించాల్సిన సన్నివేశాలు పూర్తయినట్టు చిత్రబృందం ప్రకటించింది. వెంకటేష్‌ ఇప్పటికే ‘నారప్ప’ సినిమాని కూడా దాదాపుగా పూర్తి చేశారు. ‘నారప్ప’, ‘దృశ్యం2’... ఇలా ఆయన వరుసగా రెండు సినిమాలతో సందడి చేస్తారన్నమాట.