Sharwanand: సెప్టెంబర్‌లో ‘ఒకే ఒక జీవితం’

శర్వానంద్‌ కథానాయకుడిగా శ్రీ కార్తీక్‌ తెరకెక్కించిన చిత్రం ‘ఒకే ఒక జీవితం’. డ్రీమ్‌ వారియర్‌ పిక్చర్స్‌ సంస్థ నిర్మించింది. రీతూ వర్మ కథానాయిక. అమల అక్కినేని ముఖ్య పాత్రలో నటించారు. తెలుగు, తమిళ భాషల్లో రూపొందిన ఈ ద్విభాషా చిత్రం సెప్టెంబర్‌ 9న ప్రేక్షకుల ముందుకు రానుంది. ఈ విషయాన్ని చిత్ర బృందం మంగళవారం అధికారికంగా ప్రకటించింది. ‘‘ఇదొక విభిన్నమైన సైన్స్‌ ఫిక్షన్‌ సినిమా. తల్లీకొడుకుల అనుబంధాల నేపథ్యంలో సాగే ఆసక్తికర కథాంశంతో తెరకెక్కింది. సినిమాలో గ్రాఫిక్స్‌కు ఎంతో ప్రాధాన్యముంది. ప్రస్తుతం నిర్మాణాంతర పనులు శరవేగంగా జరుగుతున్నాయి’’ అని చిత్ర వర్గాలు తెలిపాయి. ఈ సినిమా తమిళంలో ‘కణం’ పేరుతో విడుదల కానుంది. ఈ చిత్రానికి సంగీతం: జేక్స్‌ బిజోయ్‌, కూర్పు: శ్రీజిత్‌ సారంగ్‌, ఛాయాగ్రహణం: సుజిత్‌ సారంగ్‌.