Breaking | Feedback | ePratibha | E-PAPER | Pratibha

Balakrishna: సరికొత్త పాత్రలో బాలకృష్ణ

కథానాయకుడు బాలకృష్ణ కొత్త దారుల్లో పయనిస్తున్నారు. తన ప్రతిభను సరికొత్తగా చూపించుకునే అవకాశమున్న ఏ వేదికనూ వదలడం లేదు.

Updated : 27 Mar 2023 07:05 IST

కథానాయకుడు బాలకృష్ణ(Balakrishna) కొత్త దారుల్లో పయనిస్తున్నారు. తన ప్రతిభను సరికొత్తగా చూపించుకునే అవకాశమున్న ఏ వేదికనూ వదలడం లేదు. ఓవైపు వెండితెరపై వరుస విజయాలతో జోరు చూపిస్తున్న ఆయన.. మరోవైపు ‘అన్‌స్టాపబుల్‌’ టాక్‌షోతో డిజిటల్‌ వేదికపై వ్యాఖ్యాతగానూ మెరుపులు మెరిపించారు. కాగా, ఇప్పుడాయన మరో కొత్త అవతారంలో సందడి చేసేందుకు సిద్ధమయ్యారు. ఈ ఏడాది ఇండియన్‌ ప్రీమియర్‌ లీగ్‌ (ఐపీఎల్‌)లో తెలుగు వ్యాఖ్యాతగా వ్యవహరించనున్నారు. ఈ మేరకు బాలయ్యతో ఒప్పందం కుదుర్చుకున్నట్లు స్టార్‌ స్పోర్ట్స్‌ సంస్థ ప్రకటించింది. ఈ సందర్భంగా బాలకృష్ణ మాట్లాడుతూ.. ‘‘కుటుంబ సభ్యులు, స్నేహితులతో కలిసి పెద్ద తెరపై ఐపీఎల్‌ చూస్తూ సంతోషంగా గడిపిన క్షణాలు ఎన్నో ఉన్నాయి. మార్చి 31న స్టార్‌ స్పోర్ట్స్‌ తెలుగు నిపుణులతో చేతులు కలపనున్నా. ఆ క్షణం కోసం ఆసక్తిగా ఎదురు చూస్తున్నా. ఈ సీజన్‌ మనందరికీ ప్రత్యేకంగా నిలిచిపోవాలని ఆశిస్తున్నా’’ అన్నారు. ఐపీఎల్‌ 16వ సీజన్‌ మార్చి 31న అహ్మదాబాద్‌ వేదికగా ఘనంగా ఆరంభం కానుంది. ప్రారంభ మ్యాచ్‌లో చెన్నై, గుజరాత్‌ టైటాన్స్‌ జట్లు
తలపడనున్నాయి.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.