Pooja Hegde: ‘కథలు చెప్పడానికే ఇక్కడున్నా’ : పూజా హెగ్డే

తరచి చూడాలి కానీ... పూజా హెగ్డే ప్రతిభలో ఎన్నో కోణాలు కనిపిస్తాయి. ఆల్‌రౌండర్‌ అనిపించుకోవాలనే లక్ష్యంతోనే కెమెరా ముందుకొచ్చారా? అని అడిగితే... ‘‘కథలు చెప్పడానికే నేను ఇక్కడున్నది. సినిమాలో ఒక పాట కూడా ఓ కథ చెబుతుంది. అందుకే నచ్చినప్పుడు పాటలూ చేస్తుంటా. చిన్నప్పుడు డాన్స్‌ చేయాలంటే బెరుగ్గా ఉండేది. భరతనాట్యం నేర్చుకునేలా మా అమ్మ ప్రోత్సహించారు. అప్పట్నుంచి ఆడిపాడటాన్ని ఆస్వాదించడం అలవాటు చేసుకున్నా. ఆ అలవాటు, ఇష్టమే ప్రత్యేక గీతాలపై ఆసక్తిని పెంచింది. ఇక నటన అంటారా? ప్రతి భాషలోనూ ఓ ప్రత్యేకమైన శక్తి కనిపిస్తుంటుంది. అందుకే పలు భాషల్లో నటించడాన్ని గౌరవంగా భావిస్తుంటా. నటిగా నాకు ఇంకా చాలా లక్ష్యాలే ఉన్నాయి. ముఖ్యంగా మహిళల్లో  స్ఫూర్తిని నింపే పాత్రలు చేయాలని ఉంటుంది’’ అని చెప్పుకొచ్చింది పూజాహెగ్డే.