బాలీవుడ్‌ ప్రముఖులకు అంతర్జాతీయ పురస్కారం

ప్రముఖ బాలీవుడ్‌ నటులు మనోజ్‌ బాజ్‌పాయ్‌, నసీరుద్దీన్‌ షా, కొంకణా సేన్‌ శర్మ, దర్శకుడు హన్సల్‌ మెహతాలకు అంతర్జాతీయ గౌరవం దక్కింది. 2021కిగానూ ‘ఏషియన్‌ అకాడెమీ క్రియేటివ్‌ అవార్డ్స్‌’ వేడుక శుక్రవారం సింగపూర్‌లో జరిగింది. ఈ వేదికపై ఆసియా ఫసిపిక్‌ దేశాల్లోని సృజనాత్మక రంగాల్లోని వివిధ విభాగాలకు చెందిన ప్రముఖులకు పురస్కారాలు అందజేశారు. ‘ది ఫ్యామిలీ మేన్‌’ వెబ్‌సిరీస్‌లో నటనకుగానూ మనోజ్‌ బాజ్‌ పాయ్‌కు భారత్‌ నుంచి ఉత్తమ నటుడి పురస్కారం దక్కింది. ఆంథాలజీ సిరీస్‌ ‘అజీబ్‌ దాస్టాన్స్‌’లోని నటనకు కొంకణా సేన్‌ శర్మ ఉత్తమ నటిగా ఎంపికైంది. ‘స్కామ్‌ 1992’ షోకిగానూ ఉత్తమ డ్రామా సిరీస్‌, ఉత్తమ దర్శకత్వం విభాగాల్లో అవార్డు గెలుచుకున్నారు హన్సల్‌ మెహతా. ‘బండిష్‌ బండిట్స్‌’ వెబ్‌ సిరీస్‌లోని నటనకుగానూ నసీరుద్దీన్‌ షాకు ఉత్తమ సహాయనటుడి పురస్కారం లభించింది.