లెస్బియన్‌గా మాధురీ దీక్షిత్‌?

తేజాబ్‌, దిల్‌, సాజన్‌, బేటా, హమ్‌ ఆప్కే హై కౌన్‌.. లాంటి ఎన్నో బ్లాక్‌బస్టర్‌   సినిమాలతో అలరించిన అలనాటి అందాల కథానాయిక మాధురీ దీక్షిత్‌ ప్రస్తుతం ఓ ఆసక్తికర పాత్రలో నటించనుంది. అమెజాన్‌ ప్రైమ్‌ నిర్మాణంలో తెరకెక్కనున్న ఈ చిత్రం పేరు ‘మజా మా’. ఇది కుటుంబ కథా చిత్రంగా ప్రేక్షకుల ముందుకు రానుంది. ఇందులో మాధురీ హోమో సెక్సువల్‌గా నటించనున్నట్లు కొన్ని హిందీ సైట్లు పేర్కొన్నాయి. ఎక్కడా అసభ్యతకు తావు లేకుండా ఈ పాత్రని తీర్చిదిద్దినట్లు సమాచారం. ఆనంద్‌ తివారీ దర్శకత్వంలో తెరకెక్కుతున్న ఈ సినిమాలో గజరాజ్‌ రావ్‌, రిత్విక్‌ భౌమిక్‌, రజిత్‌ కపూర్‌, బర్ఖా సింగ్‌, సిమోన్‌ సింగ్‌  నటిస్తున్నారు.