NTR: ఎన్టీఆర్‌ మరో ఘనత

‘ఆర్‌ఆర్‌ఆర్‌’ చిత్రంతో అంతర్జాతీయ స్థాయిలో గుర్తింపు తెచ్చుకున్న ఎన్టీఆర్‌ మరో ఘనత అందుకున్నారు. ఈ ఏడాది ఆసియాలో టాప్‌ 50లో నిలిచిన నటుల జాబితాను  ఏషియన్‌ వీక్లీ మ్యాగజైన్‌ ‘ఈస్టర్న్‌ ఐ 2023’ పేరుతో ప్రకటించింది. ఆ జాబితాలో తారక్‌ 25వ స్థానంలో నిలిచారు. ఇలా ఈ జాబితాలో తెలుగు చిత్రసీమ నుంచి స్థానం దక్కించుకున్న ఏకైక హీరో ఎన్టీఆర్‌ కావడం విశేషం.  ఇక ఈ జాబితాలో బాలీవుడ్‌ కథానాయకుడు షారుక్‌ ఖాన్‌ తొలిస్థానంలో నిలిచారు. ఎన్టీఆర్‌ ప్రస్తుతం కొరటాల శివ దర్శకత్వంలో ‘దేవర’ చిత్రంలో నటిస్తున్నారు. ఈ చిత్ర గ్లింప్స్‌ నూతన సంవత్సర కానుకగా ప్రేక్షకుల ముందుకు రానున్నట్లు సమాచారం అందుతోంది.