Game Changer: బరిలోకి గేమ్‌ ఛేంజర్‌

కథానాయకుడు రామ్‌చరణ్‌.. దర్శకుడు శంకర్‌ కలయికలో రూపొందుతోన్న పాన్‌ ఇండియా చిత్రం ‘గేమ్‌ ఛేంజర్‌’. దిల్‌రాజు, శిరీష్‌ సంయుక్తంగా నిర్మిస్తున్నారు. కియారా అడ్వాణీ కథానాయిక. ఈ సినిమా కొత్త షెడ్యూల్‌ హైదరాబాద్‌లో మంగళవారం ప్రారంభమైంది. దాదాపు రెండు వారాలు కొనసాగనున్న ఈ షెడ్యూల్‌లో చరణ్‌తో పాటు ఇతర ప్రధాన తారాగణంపై కీలక సన్నివేశాలు తెరకెక్కించనున్నారు. ఆగస్టు 21తో ఈ షెడ్యూల్‌ ముగియనుందని సమాచారం. రాజకీయ నేపథ్యంతో ముడిపడి ఉన్న యాక్షన్‌ థ్రిల్లర్‌ ఇది. ఇందులో రామ్‌చరణ్‌ రెండు కోణాలున్న పాత్రలో కనిపించనున్నారు. ఈ సినిమాకి సంగీతం: తమన్‌, ఛాయాగ్రహణం: తిరు.