Hansika: 50వ చిత్రానికి అడ్డంకులు

చెన్నై: ‘మహా’... హన్సిక 50వ సినిమా. తమిళంలో థ్రిల్లర్‌ డ్రామా జానర్‌లో రూపొందిన ఈ చిత్రాన్ని తెలుగులోనూ విడుదల చేయాలనుకున్నారు. అయితే దీని విడుదలకు ఆటంకాలు ఎదురవుతున్నాయి. గతేడాది ప్రేక్షకుల ముందుకు రావాల్సిన ఈ చిత్రాన్ని ఈ ఏడాది విడుదల చేయాలనుకున్నారు. ఇంతలో కరోనా విజృంభించింది. లాక్‌డౌన్‌తో థియేటర్లు మూతపడ్డాయి. దీంతో ఓటీటీలో విడుదల చేయాలని నిర్ణయించారు నిర్మాతలు. ఇప్పుడు దీన్నీ ఆపాలని ఈ చిత్ర దర్శకుడు జమీల్‌ కోర్టులో కేసు వేశారు. ‘‘నాకు చెప్పకుండా ఈ చిత్రంలో కొన్ని సన్నివేశాలు చిత్రీకరించారు. నాకు ఇవ్వాల్సిన రెమ్యూనరేషన్‌ చెల్లించలేదు.’’ అని జమీల్‌ హైకోర్టులో పిటీషన్‌ వేశారు. దీంతో ఈ సినిమా ఓటీటీ విడుదలకూ బ్రేక్‌ పడినట్లైంది.