Updated : 26 Mar 2021 19:59 IST

వారిపై దాడులను ఖండించిన సత్య నాదెళ్ల

వాషింగ్టన్‌: ఆసియన్‌ అమెరికన్లపై వరుసగా జరుగుతున్న దాడులు బాధ కలిగిస్తున్నాయంటూ మైక్రోసాఫ్ట్‌ సీఈఓ సత్య నాదెళ్లతోపాటు పలువురు అమెరికా చట్టసభ్యులు ఆవేదన వ్యక్తం చేశారు. ఆసియన్‌ అమెరికన్ల పట్ల ప్రదర్శిస్తున్న వివక్ష, హింస, అసహనం సరికాదని.. అది ఏ రూపంలో ఉన్నా తీవ్రంగా ఖండించాలని సత్య నాదెళ్ల ట్వీట్లు చేశారు. పలువురు అమెరికా చట్టసభ్యులు కూడా ఈ దాడులపై ఆందోళన వ్యక్తం చేశారు. అమెరికా అధ్యక్షుడు జో బైడెన్‌ ఈ తరహా దాడులు సరికాదన్నారు. ఈ దాడులకు దిగేవారు తక్షణమే ఆ మార్గాన్ని విడనాడాలన్నారు. ఆసియన్‌ అమెరికన్ల పట్ల అమానుషంగా ప్రవర్తించేవారు అమెరికన్లు కాజాలరని పేర్కొన్నారు.

గతేడాది మార్చి నుంచి డిసెంబర్‌ వరకు అమెరికా వ్యాప్తంగా ఆసియన్‌ అమెరికన్లపై 3 వేలకుపైగా దాడులు జరిగాయని ఎఫ్‌బీఐ నివేదిక తెలిపింది. 2019లో ఈ తరహా దాడులు కేవలం 2016 మాత్రమే నమోదవ్వగా, 2020లో దాదాపు 14 రెట్లు పెరిగాయి.


Read latest Nri News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని