Raghunandan: భాజపా ఎమ్మెల్యే రఘునందన్‌ అరెస్ట్

హైదరాబాద్‌: భాజపాకు చెందిన దుబ్బాక ఎమ్మెల్యే రఘునందన్‌రావును పోలీసులు అరెస్ట్‌ చేశారు. ఆయన హైదరాబాద్‌ నుంచి బయల్దేరి గజ్వేల్‌ వెళ్తుండగా హకీంపేట ఎయిర్‌ఫోర్స్‌ స్టేషన్‌ వద్ద  పోలీసులు అరెస్ట్ చేశారు. అనంతరం రఘునందన్‌ను అల్వాల్‌ పీఎస్‌కు తరలించారు. ఇటీవల గజ్వేల్‌లో ఇరు వర్గాల మధ్య ఉద్రిక్త పరిస్థితులు నెలకొన్నాయి. ఈ నేపథ్యంలో శాంతిభద్రతల దృష్ట్యా రఘునందన్‌ను పోలీసులు అడ్డుకుని అరెస్ట్‌ చేశారు.

రఘునందన్‌కు ఈటల ఫోన్‌

రఘునందన్‌ అరెస్ట్‌పై మాజీ మంత్రి ఈటల రాజేందర్‌ ఆగ్రహం వ్యక్తం చేశారు. అక్రమ అరెస్ట్‌లను తీవ్రంగా ఖండిస్తున్నట్లు చెప్పారు. వెంటనే విడుదల చేయాలని ఈటల డిమాండ్‌ చేశారు. రఘునందన్‌కు ఆయన ఫోన్‌ చేసి మాట్లాడారు.