RS praveen Kumar: ప్రతీ కుటుంబానికి రూ.15 లక్షల ఆరోగ్య బీమా.. బీఎస్పీ ఎన్నికల మేనిఫెస్టో విడుదల

హైదరాబాద్‌: బహుజన సమాజ్‌వాదీ పార్టీ (బీఎస్పీ) ఎన్నికల మేనిఫెస్టోను రాష్ట్ర అధ్యక్షుడు ఆర్‌ఎస్‌ ప్రవీణ్‌కుమార్‌ విడుదల చేశారు. కాన్షీ యువ సర్కార్‌ పేరిట యువతకు ఐదేళ్లలో 10 లక్షల ఉద్యోగాలు ఇస్తామని చెప్పారు. ఆ 10 లక్షల ఉద్యోగాల్లో మహిళలకు 50శాతం రిజర్వేషన్లు కల్పిస్తామని ప్రవీణ్‌కుమార్‌ తెలిపారు.

మేనిఫెస్టోలోని ఇతర అంశాలు..

• ప్రతి మండలంలో ఇంటర్నేషనల్‌ స్కూల్‌ ఏర్పాటు చేస్తాం. 
• ప్రతి మండలం నుంచి ఏటా 100 మంది విద్యార్థులకు విదేశీ విద్యను అందిస్తాం. 
• ప్రతి పంటకు మద్దతు ధర కల్పిస్తాం. 
• ప్రతి కుటుంబానికి ₹15లక్షల ఆరోగ్య బీమా ప్యాకేజీ
• ఏటా ₹25వేల కోట్లతో పౌష్టికాహార, ఆరోగ్య బడ్జెట్‌
• భీం రక్షా కేంద్రాలు కింద వృద్ధులకు వసతి, ఆహారం, వైద్యం