OTT : ఓటీటీ ప్లాట్‌ఫాంను సెన్సార్‌ పరిధిలోకి తేవాలి: కూనంనేని

ఈనాడు, హైదరాబాద్‌: ఓటీటీ ప్లాట్‌ఫాంలో ప్రసారం అవుతున్న రానా నాయుడు, మీర్జాపూర్‌ వెబ్‌ సిరీస్‌లను ఉపసంహరించుకోవాలని సీపీఐ రాష్ట్ర కార్యదర్శి కూనంనేని సాంబశివరావు డిమాండ్‌ చేశారు. తెలుగు ప్రజలకు మంచి కుటుంబ చిత్రాలను అందించిన దగ్గుబాటి రామానాయుడు కుటుంబ సభ్యుల నుంచి రానా నాయుడు వెబ్‌ సిరీస్‌ రావడం దురదృష్టకరమని ఓ ప్రకటనలో పేర్కొన్నారు. ఓటీటీ ప్లాట్‌ఫాంను తక్షణమే సెన్సార్‌ పరిధిలోకి తీసుకురావాలని కేంద్ర, రాష్ట్ర ప్రభుత్వాలను ఆయన కోరారు.

పంటల నష్టాన్ని అంచనా వేయాలి: చాడ

ఈదురుగాలులు, వడగండ్ల వర్షాలతో నష్టపోయిన పంటలను సర్వే చేయించి నష్టపరిహారం అందించాలని సీపీఐ జాతీయ కార్యవర్గ సభ్యుడు చాడ వెంకట్‌రెడ్డి కోరారు. ఈ మేరకు ముఖ్యమంత్రి కేసీఆర్‌కు ఆదివారం ఆయన బహిరంగ లేఖ రాశారు. నష్టపోయిన పంటలకు ఎకరాకు రూ.25 వేల పరిహారం ఇవ్వాలని డిమాండ్‌ చేశారు.