కిషన్‌రెడ్డిపై ఎన్నికల కమిషన్‌కు నిరంజన్‌ ఫిర్యాదు

హైదరాబాద్‌, న్యూస్‌టుడే: భాజపా రాష్ట్ర అధ్యక్షుడు, కేంద్ర మంత్రి కిషన్‌రెడ్డిపై కేంద్ర ఎన్నికల సంఘానికి పీసీసీ సీనియర్‌ ఉపాధ్యక్షుడు జి.నిరంజన్‌ ఫిర్యాదు చేశారు. ఈనెల 8న కిషన్‌రెడ్డి రంగారెడ్డి జిల్లా మొయినాబాద్‌లో జరిగిన భాజపా బూత్‌ స్థాయి అధ్యక్షుల సమావేశంలో ‘కాంగ్రెస్‌ అధికారంలోకి వస్తే జిన్నా రాజ్యాంగం వస్తుందని, కాంగ్రెస్‌ మ్యానిఫెస్టో హిందూ వ్యతిరేకంగా ఉంది’ అంటూ తీవ్ర విమర్శలు చేశారని ఎన్నికల ప్రధాన కమిషనర్‌(ఈసీఐ) రాజీవ్‌కుమార్‌కు సోమవారం లేఖ రాశారు. ఇది ఎన్నికల కోడ్‌ ఉల్లంఘన కిందకే వస్తుందన్నారు. తక్షణం కిషన్‌రెడ్డిపై చర్యలు తీసుకోవాలని కోరారు.