ప్రధాని మోదీపై క్రిమినల్‌ కేసు పెట్టండి

ఎన్నికల కమిషన్‌కు కాంగ్రెస్‌ లేఖ

బెంగళూరు: మైసూరు ప్రచారంలో కాంగ్రెస్‌ను విచ్ఛిన్న ముఠాల సుల్తాన్‌ (తుక్డే తుక్డే ముఠాల సుల్తాన్‌ కాంగ్రెస్‌)గా ప్రధాని మోదీ అభివర్ణించడంపై హస్తం పార్టీ ఎన్నికల కమిషన్‌కు ఫిర్యాదు చేసింది. మోదీపై న్యాయపరమైన చర్యలు తీసుకోవాలని కోరింది. ఈ మేరకు కర్ణాటక ముఖ్య ఎన్నికల అధికారికి కేపీసీసీ ఓ లేఖ రాసింది. కాంగ్రెస్‌ దాని మిత్రపక్షాలు అయోధ్య రామాలయ ప్రారంభాన్ని బహిష్కరించాయని, హిందూ మతంలోని బలాన్ని విచ్ఛినం చేయాలని ‘ఇండియా’ కూటమి కోరుకుంటోందని మోదీ ఆరోపించారని తన లేఖలో వివరించింది. ఇటువంటి అభ్యంతరకర వ్యాఖ్యలు చేసిన ప్రధానిపై క్రిమినల్‌ కేసు నమోదు చేయాలని డిమాండ్‌ చేసింది.