అమ్మ దర్శనానికి వచ్చినప్పుడు రాజకీయాలు తగవు

దేవాదాయశాఖ మంత్రి కొట్టు సత్యనారాయణ

విజయవాడ(ఇంద్రకీలాద్రి), న్యూస్‌టుడే: దసరా ఉత్సవాల్లో భాగంగా అమ్మ దర్శనానికి వచ్చిన ప్రతిపక్ష నాయకులకు రాజకీయాలు తగవని రాష్ట్ర దేవాదాయశాఖ మంత్రి కొట్టు సత్యనారాయణ పేర్కొన్నారు. ఇంద్రకీలాద్రిపై నిర్వహించిన దసరా మహోత్సవాలు పూర్ణాహుతి కార్యక్రమంతో ముగిశాయి. ఈ సందర్భంగా మంత్రి కొట్టు సత్యనారాయణ మాట్లాడుతూ... ‘ప్రతిపక్ష నాయకులు రూ.150కోట్లతో దుర్గగుడిని అభివృద్ధి చేశామని చెప్పడం హాస్యాస్పదం. అభివృద్ధి పేరుతో శాశ్వత కట్టడాలు కూల్చడం, ఆలయాలను తొలగించడం మినహా చేసింది ఏమీ లేదు... ’ అని పేర్కొన్నారు.