Ts News: ఉపఎన్నికలు వస్తేనే తెరాస నాయకులకు జోష్‌ వస్తుంది: రాజాసింగ్‌

హైదరాబాద్: పెట్రోల్‌, డీజిల్‌పై కేంద్రం ఎక్సైజ్‌ సుంకాన్ని తగ్గించిన వేళ రాష్ట్ర ప్రభుత్వం కూడా ఈ విషయంపై ఆలోచించాలని భాజపా ఎమ్మెల్యే రాజాసింగ్‌ సూచించారు. పెట్రోల్‌, డీజిల్‌ ధరల పెరుగుదలను అడ్డంపెట్టుకొని తెలంగాణ ప్రభుత్వం కేంద్రాన్ని లక్ష్యంగా చేసుకొని విమర్శలు చేసిందని గుర్తుచేశారు. విమర్శించడం సులభమే.. కానీ ఆచరణలో పెట్టడానికి బలముండాలన్నారు. పెట్రోల్‌పై రూ. 41 పన్ను వసూలు చేస్తోన్న రాష్ట్ర ప్రభుత్వం.. కనీసం రూ.8 నుంచి రూ.10 తగ్గించాలని రాజాసింగ్‌ డిమాండ్‌ చేశారు. ఉపఎన్నిక వస్తేనే తెరాస నాయకులకు జోష్‌ వస్తుందని ఎద్దేవా చేశారు.