AP News: తెదేపాను నిషేధించాలని ఎన్నికల సంఘాన్ని కోరతాం: బొత్స

విజయనగరం: తెదేపా అధికార ప్రతినిధి పట్టాభిరామ్‌ వ్యాఖ్యలపై ఆ పార్టీ అధినేత చంద్రబాబు సమాధానం ఏంటని మంత్రి బొత్స సత్యనారాయణ ప్రశ్నించారు. నిన్న ఏపీలోని తెదేపా కార్యాలయాలపై దాడులు జరగడం.. ఇవాళ ఆ పార్టీ బంద్‌కు పిలుపునిచ్చి నిరసనలు తెలుపుతున్న నేపథ్యంలో ఆయన విజయనగరంలో మీడియాతో మాట్లాడారు.

‘‘భాజపాతో ఉన్నానంటూ చంద్రబాబు పార్టనర్‌ పవన్‌ సమర్థన సిగ్గుచేటు. సోము వీర్రాజు చంద్రబాబుకు వత్తాసు పలకడంలో ఆంతర్యమేంటి? తెదేపాను నిషేధించాలని ఎన్నికల సంఘాన్ని కోరతాం. మావోయిస్టు పార్టీకి, తెదేపాకు తేడా లేదు. తెదేపా చర్యల వల్ల రాష్ట్రంలో శాంతి భద్రతలకు విఘాతం కలుగుతోంది’’ అని బొత్స అన్నారు.