Revanth Reddy: రేవంత్‌ ఇంటి వద్ద భారీగా పోలీసుల మోహరింపు

హైదరాబాద్‌: టీపీసీసీ అధ్యక్షుడు రేవంత్‌రెడ్డిని పోలీసులు గృహనిర్బంధం (హౌస్‌ అరెస్ట్‌) చేశారు. భూపాలపల్లి నియోజకవర్గంలో ఈరోజు సాయంత్రం కాంగ్రెస్‌ పార్టీ ఆధ్వర్యంలో రచ్చబండ కార్యక్రమం నిర్వహించేందుకు సన్నాహాలు చేస్తున్నారు. ఆ కార్యక్రమంలో పాల్గొనేందుకు రేవంత్‌రెడ్డి వెళ్లకుండా జూబ్లీహిల్స్‌లోని ఆయన నివాసం వద్ద భారీగా పోలీసులు మోహరించారు. రచ్చబండ కార్యక్రమానికి అనుమతి లేదని పోలీసులు చెబుతున్నారు. అయితే దీనిపై రేవంత్‌ తీవ్ర ఆగ్రహం వ్యక్తం చేశారు. అనుమతిలేకుండా తన ఇంట్లోకి వచ్చారని పోలీసు అధికారులపై ఆయన మండిపడ్డారు.